بأمارة أية فية تغيير
لما المشير يبقي الكبير
لما شرف يبقي الأمير
لما الجمل يبقي الوزير
بأمارة اية فية تغيير
لما الشيطان يبقي الضمير
لما الفلول ترجــــــع تدير
لما الفقير يفضــــــل فقير
بأمارة اية فية تغيير
لما الكبار ياخدوا الفلوس
لما البوليس يرجع يدوس
لما عكاشة يرجع يبوس
بأمارة اية فية تغيير
لما المحامي يبقــــــي ديب
لما القانون يفضــــل بغيب
لما الجروح ترفض تطيب
بأمارة اية فية تغيير
لما الطريق يبقى ضباب
لما الأمل يبقـــى سراب
لما الحمل تاكلـه الذئاب
بأمارة اية فية تغيير
لما الكنايس تتحـرق
لما كلامــــى يتخنق
لما الأمـانى تتسرق
بأمارة اية فية تغيير
لما الفتن تبــــــــدأ تشيع
لما السفيه يرجـــع يذيع
وإحنا وراه زى القطيع
بأمارة اية فية تغيير
لما القانون يبقـــى كفيف
لما الشيطان يبقى حليف
لما جمال يبقــى شريف
بأمارة اية فية تغيير
