المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: اوعى تخون العيش والملح 12/9/2008, 10:55 pm | |
| اوعى تخون العيش والملح
اوعى تخون العيش والملــح ***ولا كلامك يجى ع الجــــرح
حب حبايبك وابقى معـــاهم *** خلى حياتك سعــــد وفــــرح
فكر واحسب راعى ضميرك *** متخليش ولاحد كبيــــرك
غير احبابك مين حيفيـــــــدك *** غير احبابك كوبى ومسح
فى محبتنا مفيـــــش اطمـــاع ***ولا فهلوة ولا لــــوى دراع
والدور على مين راح يتبـاع *** والدور على مين فى الجرح
كنا زمان ايد واحدة يانــــاس ***عمر ما كان بينا الوسـواس
ليه نتخانق ليـــه نحتــــــــاس*** ليه هنبدل فرح بجــــــــرح
مش معقولة الابن يخــــــون ***اهله وناسه والعشرة تهـــــون
كلنا بنفكر بظنـــــــــــــــــون*** والمواضيـــــع تحتاج للشرح
نقعـــد مع بعض ونتعــــاتب *** والغلطان مننا يتحـــــــــاسب
عمر ماكان بينا منــــــاصب*** وكلنـــا بنخاف ع الصـــــرح
يالا نحاول نرجع تـــــــــــانى *** فكر يا كبيرنا ولو لثــــوانى
عمر ما كان بينا انـــــــــــانى *** ولا كنا بنحتـاج للشـــــــرح
ليـــــــه دلوقتى بنبعد ليـــــــــه *** قولى ياقائد قولـــى انا ليـــه
لم الشمـــــــــل وابقى عليــــــه ***خلى حياتنــــا دايما فــــــرح
اوعاك تسمــــــع لكلام حــــــد *** متخليش لطريقنـــــا ســـــد
احنا زمـــــان كان بينا عهــــــد*** اننا حنحافـــــــظ ع الصرح
اسمــــــــع منى متتــــــــهورش*** دى المجموعـــة متتكــررش
انا عن نفسى مبتــــــــــصورش *** ايه حيكــون شكل الصرح
مش تفخيمـــــــــــا ليهــــــــــم لا *** بس دى عندى كلمة حــــق
وبقولهــالك لو قلبــــــــــــــك دق*** اوعاك تنسى العيش والملح
| |
|
