أنا مش هقول...!!!

موضوع: أنا مش هقول...!!! 20/11/2008, 5:18 am

أنا مش هقول...!!!

انا مش هقول مصر الحضاره
ومش هقول مصر الفراعنه والمناره
لامصر حاجه تانيه خالص
مصر دي بيت جوه شارع جوه حارة

.........

مصر الطابونه وفيها عيش عليها ناس مترصصه
عيشهم جميل فيه مسامير وطابونه مش مترخصه
مصر الحضارة حتي في طابور المدرسه

......
مصر الكلام علي السياسه
في كل حته
في شرق مصر وغربها
حتي في زفتي
انا شفت ناس متجمعه
بدل جزم متلمعه
انا قلت ايه
اسكت يا بيه
دي الست سونيا فلسعه
رقاصه جامده مقمعه
نازله ترشح نفسها
قامت عنيا مدمعه

.......

مصر الشباب متنسونين
مصر الحريم مسترجلين
مصر دي شعبها مهوسيين
بالغرب اااااااااه
ميت الف اااااااااااه
هيه دي مصر؟
اللي قلت عن جندها
افضل جنود
انا كنت ناوي احبها
من غير حدود
فاكر الجدود؟؟؟

شايف المعابد والهرم
شايف الاوزون اللي اتخرم
شايف الحضاره والاصاله
والابتسامه علي الوشوش
وعم عبده في كل صبح
بيبتسم بوشه البشوش