كارثه فى مدرسة صنايع ثانوى بنات باسطبارى (قسم التفصيل)

كارثه فى مدرسة صنايع ثانوى بنات
باسطبارى (قسم التفصيل)

السيد : محافــــظ المنوفيـــــه
السيد : وكيل وزاره التربيه والتعليم
السيده النائبه الدكتوره : شيرين عبد العزيز
السيد النائب : سامـــر التــلاوى
السيد النائب : أحمــــد حجــازى
السيد النائب : هانــــى خضــــر
السيد النائب : هشام الحاج على
الرقابـــــه الأداريـــــه بالمنوفيـه
مكتب القــوى العاملــه بالمنوفيه
رجال الصحافه والأعلام الشرفاء
اناشدكم جميعا كل فى موقعه ومنصبه ومركزه الأجتماعى
التدخل فى امر هام

كلنا يعرف انه فور ظهور نتيجة الشهاده الأعداديه ينتظر التلاميذ
ما تسمونه التنسيق وتحدد مجاميع للتانوى العام والفنى(عـادى)
الثانوى الصناعى يحدد مجاميع معينه والطلبه تقدم اوراقها ويبقى
التلاميذ زوات المجاميع الضعيفـه وفى النهايه تقبلهم المدرسه فى
(قسم التفصيل) لحد هنا لا اعتراض ...

لكن المصيبه والكارثه الكبرى عندما تقوم مدرسة الصنايع ثانوى
بنات فى اسطبارى ( ملابس مزدوح _قسم التفصيل) بعمــل ما
يسمى (بالتدريب العملى) فى مصنــع (مجهول الأســم) للتهرب
من الضرائب وعنوانه (بلدة ميت خاقان)
فأذا كان التدريب العملى للفتيات فى المصنع لمة ساعتين او
تلاته فى الأسبوع (عادى) لكن الأتفاق بين مدير المدرسه
ومسؤول مصنع الملابس

_ يقوم مدير المدرسه (أ . عفيفى أبوحجازى) بارسال ما
يقرب من 50 طالبـه اولى ثانوى صنايــع (16سنه) الى
مصنع (ميت خاقان _ بير السلــم) للملابس الجاهزه تحت
مسمى (التدريــب العمــــلى) اعتبارا من الساعه 8 صباحا
حتى الساعه الخامسه مساءا (9 ساعات متواصله ) يوميا
ستة أيام فى الأسبوع ولمدة تجاوزت الـ تلاثة اشهر متصله
وحتى الآن وطبعا هذا العدد يوفر على المصنع عاملات باجر
يومى وطبعا اجر50 عامله لمدة شهــر يوفر على المصنع
مبالغ كبيره
وهنا لازم مدير المدرسه يأخذ نصيبه شهريا من مسؤول
المصنع نظير عمل الطالبات مجانا وأكيد السيد
وكيل الوزاره حصته محفوظه نظير انه (يغمض عنيه)

_ تلميذات (قسم التفصيــــل) بقالهم حوالى 3 شهور كامله
وحتى الآن لازم يروحوا المصنع من 8 صباحا حتى الخامسه
مساءا وعشان تروح المصنع فى مواعيدها لازم تصحــى من
الساعه 6 صباحا وترجع الساعه 6 مساءا
(بدون أجر وبدون وجبة غذاء)

_وبالمثل لتلميذات الصف الثانى والتالث الثانوى بنفس المدرسه
ونفس المصنع

فى شرع مين ده ؟؟؟؟
ومن المسؤول عن كدا ؟؟؟
اليهود ما يعملوش كدا !!!!!
وهل مدير المدرسه له الحق فى ابتزاز عرق ومجهود اطفال
هو قانونا مسؤول عنهم
وهل السيد وكيل الوزاره (المعين اساسا)
لخدمة الطلبه يقبل بهذا ؟؟؟

كل مراحل التعليــم (أبتدائى-أعدادى - ثانوى- الكليات) فى الجمهوريه
فى اجازه ما عدا طلبة (قسم التفصيل) يوميا فى المصنع من 8 صباحا
حتى 5 مساءا 9 ساعات يوميا ولمدة 6 ايام فى الأسبوع ولمـــده اكتر
من ثلاثة شهور متواصله لا أجر ولا وجبة غذاء

لذا اناشد الساده المذكورين بعاليه بايجاد حل لمشكلة
هؤلاء التلميذات فهن اولادكم ويحتاجون لرعايتكم

مقدمه
المواطن : عثمان الكومى

.

كارثه فى مدرسة صنايع ثانوى بنات باسطبارى (قسم التفصيل) 1pi110

كارثه فى مدرسة صنايع ثانوى بنات باسطبارى (قسم التفصيل) 1g72110

كارثه فى مدرسة صنايع ثانوى بنات باسطبارى (قسم التفصيل) 1_uy510

» منصة مدرسة المشير محمد عبدالغني الجمسي ث بنات بالبتانون
» مدرسة المشير محمد عبدالغني الجمسي ث بنات بالبتانون (٢٠٢٣ /٢٠٢٤)
» أهالى قرية بالمنوفية يقطعون الطريق للمطالبة بإنشاء مدرسة ثانوى
» بناء 15 مدرسة بالمنوفية.. و23 مدرسة أخرى تدخل الخدمة العام المقبل
» صحة المنوفية : إكتشاف عيادة طبيب باطنة وقلب حاصل على دبلوم صنايع ببركة السبع