لو معـــــــاك فلــــــــوس

لو معـــــــاك فلــــــــوس

-معاك فلوس..
تبقي قاضي و تحكم بين الناس و خلي كلب يعارضك
يبقي كأنه كفر

-معاك فلوس..
أي عك و أي خربطة منك تبقي فكر و حنكة
و تلاقي بهايم كتير بتروج للفكر دا

-معاك فلوس...
تبقي إنت الوجه المشرف في البلد و تكرم الفائزين في
أي مسابقة أو ندوة أو حتي ماتش حكشة

-معاك فلوس...
تبقي كل عيوبك الوسخة صفات يعني لو بتحشش تلاقي
كلب بيقولك الحشيش بيفتح المخ عشان يراضيك

-معاك فلوس...
روح أضرب أي حد إنت عاوزه بالجزمة لأن الناس هتطلعك
صاحب حق لأنه هو اللي ضرب جزمتك بوشه

-معاك فلوس..
روح أخطب بنت اللوا فلان و لا المستشار فلان ولو انت
صفاتك أوسخ من الوساخة هتسمع العبارة المشهورة
بكرة يجوز و يعقل

-معاك فلوس ..
هتلاقي مليون واحد يشيرلك في بوستات علي إنك فاتح
بيوت ناس كتير و إنت أقسم بالله منشار في
أكل حقوق اليتامي

-معاك فلوس...
هتلاقي ناس بتقول وجهه منور من الطاعة و إنت
أقسم بالله ما بتركعها و خمورجي و حشاش كمان

-معاك فلوس...
هتلاقي كل الناس بتلاعب في عيالك و تدلعهم و تعملهم حمير
و تركبهم علي ضهورهم علشان يراضوك و هيقولو ونعم
التربية علما إنهم وارثين السفالة وقلة الأدب منك

-معاك فلوس...
هتقعد في الصالون بتاع خيمة العزاء و هيحطوا قدامك طرابيزة
علشان تقرفنا بعلبتين الميرت والايفون بتاعك وفنجان قهوة

-معاك فلوس...
يعني نباطشي الأفراح هينسي العريس و العروسة و هيصدع دماغ
اللي خلفونا بسيرتك الوسخة علشان الميتين جنيه اللي لو
ارملة جاتلك هتقولها الله يسهلك

-معاك فلوس.....
يعني أعدائك هم أعداء الوطن و حبايبك يبقوا أولياء الله
الصالحين رغم إنهم شكلك لا ادب ولا دين

-معاك فلوس...
يعني الكلب اللي إنت رابطه قدام بيتك إسمه الأستاذ كلب
و خلي كلب أقصد حد يضايقه لأن احترام الكلب
من أحترامك طبعا

-معاك فلوس
يبقي تسرق و تنهب و تعمل كل اللي يغضب ربنا
و في الأخر هيبقي أسمك نصير الفقراء ولا سند الغلابة

الفلوس في الزمن هي اللي بتتقيم الناس علي أساسها

ملخص مايدور في ايامنا
مش عارف صح ولاغلط
الله يحرق الفلوس ويحرق
اللي صناعها الا من رحم ربي

.