مشكلـــــة طـــــلاق العرايـــــس
أسمع كلامى ياهندسة .. عاوز حد يقرا لعل وعسي
بنات كتير فرحانه إنها بقت مطلقه يله بقى خدى أولادك
فى حضانتك وأبوهم هيبقى يبعت ليهم مصاريفهم من
الحكم إللى هتحكمه المحكمه تمام طبعا المصاريف
ممكن متكفيـــــش البيت والأولاد طبعا هتطلعى
تشتغلى تمام جبتى فلوس أوك،،شويه زهقت
من الشغـــــل والتعـــب وتربيــــــه الأولاد
والمصاريف حاجــــه من الإتنين يا إما
تتجوزى تانى وتدخلى راجل غريب
على أولادك وخاصـــــه لو بنات
تماما وأساسا مفيش حد بيربى
ولاد غيره ،،يا إما هتكملى
طول عمرك كده محدش
هيرضى يتزوج وحده
بأولادها إلا من رحم ربى قله قليله فقط ،، طب ليه
كل ده وعلشان إيه الطلاق عارفه ليه ،،علشان
مفيش حد كان عاوز ينصحك نصيحــــه لوجه
الله ،،أيوه إتطلقــى يا بت وبكره يجيلك سيد
سيده وفى الآخـــــر بعد ما تطلقــــى الكل
بيبعد عنك ،،صحبتك الأنتيم، وصحباتك
هيبعدوا عنك هيخافــوا على أزواجهم
منك ما أنتى خلاص مفيش راجــل
معاكى هيبعــــدوا عنك وهتبقى
معرضه لكــــــلام إللى يسوى
واللى ما يسواش حتى
أخواتك المتجوزين كل
واحد عنده مراته
وأولاده مش فاضينلك
طب أبوكى وأمك لو عاشوا السنه دى مش هيعشولك
السنه إللى جايه أو بعد عمر طويل هيمشوا ،،إنتى
فين حرام عليكى نفسك وصحتك وأولادك طب
ليه من الأول الطلاق مش كان ممكن نصبر
شويه نشوف المشكله فين ونحلها ما ندخلش
تدخلات خارجية من بره وتعرف أسرانا
وأسرار بيوتنا وتوقع ما بين الأزواج
وبعضها
إتقوا الله وبلاش طلاق الطلاق خراب بيوت متدوش
ودانكم لحد نصيحه يابنتى لوجه الله ،،،حافظى
على جوزك وأولادك وأهلك وأمك وأبوكى
والله العظيم الست ملهـــــــاش غير بيتها
وجوزهــــــا وأولادها ثم لو كان لابد
من الفراق والطلاق يبقى باحترام
وبالمعروف وبعد الطـــلاق يبقى
برضه ولا تتكلمى عليه وحش
ولا إنت تقول كلمه فى حقها
وحشه علشان الست دى
كانت فى يوم من الأيام
عرضك وشرفك يا عم الراجل وبعد ما سبتك فهى
عرض رسول الله صلى الله عليه وسلم فبلاش
تتكلم فى عرض بنت أو حق أنثى علشان
عندك أخوات بنات
أظن أنا قلت إللى عندى وآخر مره أبوس إيديكم بلاش
طلاق بلاش خراب بيوت حبوا بعض قربوا من
بعض الدنيا كلها منفاته إنتم متجوزين علشان
الموده والرحمة والسكنية والإستقرار إنتم
مش فى حرب وأخيرا والله العظيم الكل
هيتحاسب وهنقف أمام الله كلنا راكعين
نرجوا رحمه الله يوم القيامه فى يوم
لا ينفع فيه مال ولا بنون إلا من
أتى الله بقلب سليم
.
