صحه التوقيع لا تنقل الملكيه

صحه التوقيع
لا تنقل الملكيه

معلومه قانونيه علشان نفهم صح

لو اشتريت شقه و عملت صحة توقيع
هى كدا خلاص ملكك ولا لاء ؟

كتيير من الناس لما بتشترى عقار سواء ارض او شقة بيروح
المشترى للمحامى و يقوله ارفعلى دعوى صحة توقيع
و بيكون فاكر أن تلك الدعوى بتنقل الملكيه بدل
الشهر العقارى

الكلام دا للأسف مش مظبووط لأن البائع
ممكن يبيع لمليون مشترى اخر

عشان كدا لازم تعرف الفرق بين دعوى
" صحة التوقيع " و " التسجيل بالشهر العقارى " و دعوى " صحة ونفاذ "

أولاً : دعوى صحة التوقيع

من اسمها " دعوى وقائية هدفها ان البائع مينكرش التوقيع "
بالتالى هى مجرد دعوى الهدف منها اثبات صحة توقيع
البائع فقط على عقد البيع لكن لا تحكم بصحة العقد
نفسه و نقل الملكية !! يعني القاضى لا ينظر الا
للتوقيع فقط

بحيث ان البائع بعد ذلك لا ينكر توقيعه
أو يطعن عليه بالتزوير هو أو ورثته

لذلك نؤكد أن دعوى صحة التوقيع لا تنقل الملكيه لأن بكل
بساطه ممكن ترفع دعوى صحة توقيع على عقد مفسوخ
أو عقد صورى أو عقد غير خالص الثمن أو عقد
باطل و ممكن تشتري شقة متباعة لواحد قبل كدا
و انت متعرفش لأنه مش مسجلها

ثانياً : التسجيل في الشهر العقارى

هو اللى بينقل الملكيه من البائع للمشترى و ذلك فى حالة
أن البائع و المشترى موافقين يذهبوا مع بعض الشهر
العقاري يسجلو عقد البيع و يحولوه من " ابتدائى
" لعقد " نهائى " و بالتالى تنتقل الملكيه من
البائع للمشترى

لكن لو حضرتك اشتريت شقة و اللي باعها مش راضي
يروح معاك الشهر العقاري تعمل اية ؟؟

ثالثاً : هنا دور " دعوى الصحه و النفاذ "

و الغرض منها اثبات صحه العقد باكمله من البدايه الي النهايه
و هي الدعوى الناقله للملكيه لأنها بتحكم ان العقد صحيح
و ان الملكيه انتقلت من البائع للمشترى فعلاً و يتم تسجيل
الحكم فى الشهر العقارى عشان اي حد يسال ع الشقة
يلاقيها ملك المشترى .

.

» التوقيع الإلكتروني .. لأول مرة في مصر
» إدارة "غزل شبين" تنقل عمال وتمتنع عن صرف الرواتب رغم حكم بطلان البيع
» مصر ترفض استقبال ممثلي حماس قبل التوقيع على المصالحة
» بالصور.. حضانة جديدة تنقل الأطفال فى جرار زراعى بمقطورة بالمنوفية
» الرقابة الإدارية : إبراهيم سليمان تدخل فى تخصيص الأراضى دون التوقيع