المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: حكايات من نظام جمال مبارك 27/2/2024, 2:17 am | |
| حكايات من نظام جمال مبارك 
المهندس حسب الله الكفراوى
وزير الأسكان الأسبق وكبير بنائين مصر
حكى سبب خروجه من الوزاره فى عهد مبارك
سنه 93 جمال مبارك راح مكتب وزير الأسكان وطلب
تخصيص 1000 فدان فى 6 اكتوبر لواحد من اتباعه
المهندس حسب الله الكفراوى رد على جمال مبارك وقاله
ابوك يعرف انك جاى تطلب تخصيص ارض لفلان خليه
يتصل بيا ويدينى قرار جمهورى ابوك رئيس الجمهوريه
بعدها المهندس حسب الله الكفراوى تعرض لمضايقات وشغلوا
وراه صفوت الشريف بتاع فيلا التحكم و السيطره وخلوا
الصحفى ( عبد الله كمال ) يكتب مقال بعنوان الوزير
القديس هاجم فيه المهندس حسب الله الكفراوى
وشكك فى ذمته الماليه
المهندس حسب الله الكفراوى عرف ان جمال وصفوت هما
اللى زقوا عليه عبد الله كمال واشتكى لمبارك من صفوت
و5 شخصيات
مبارك رفض انه يشيل صفوت وقاله كله الا صفوت فما كان
من المهندس حسب الله انه قاله شكرا يا ريس وقدم استقالته
وتم قبول الاستقاله واتنفذت بعد شهرين تانى يوم من
خروجه من الوزراه تم تخصيص ال1000 فدان
ودى كانت بدايه منظومه تقسيم ارض مصر على الاتباع
والأعوان والأنطاع اللى سماهم المهندس حسب
الله الكفراوى الله يرحمه ب المبشرين بالجنه
اللى فكرنى بالحكايه دى جمال مبارك اللى طلع فى فديو بيتكلم
عن البراءه اللى خدها من الاتحاد الاروبى واللى بسببها
فكوا حسابه المجمد اللى حوشه من مصروفه وشغله
فى البزنس والتجاره فى ديون مصر ده غير
الخصخصه بالعبيط
ومن ضمن النكت اللى طلعت ايام مبارك واحد قاعد على
قهوه لقى صاحب القهوه معلق صور جمال عبد الناصر
والسادات ومبارك سال صاحب القهوه تعرفهم قاله ده
الرئيس جمال عبد الناصر اللى عمل ثوره 23 يوليو
والاصلاح الزراعى والسد العالى وده الرئيس السادات
اللى عمل نصر اكتوبر ومعاهده السلام وده
ابو عيلاء شريكى فى القهوه
النكته دى توضح ازاى اولاد حسنى مبارك جابوا الفلوس اللى
فى بنوك سويسرا وما خفى كان اعظم ولو دورا فى ال
22 رجل اعمال الكبار اووى اللى اتخن واحد فيهم
جه مصر سنه 93 كان معاه 3 مليون جنيه
زى ما احمد بهجت بتاع دريم قال واللى ما
سابوش اى فرصه وخدوا اراضى بالعبيط
حيلاقوهم شركاء وبنسبه محترمه للننوس
عينه الاكسلانس بتاع البزنس واخوه
الحيله اللى عامل فيها شيخ طريقه ..
واحلى من الشرف مافيش الووو يا دانس
. | |
|
