المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: قضية العبارة 19/3/2009, 3:51 am | |
| قضية العبارة سبع سنين مش كفايــــة يا معالى البيه
سبع سنين مش كفايـــة اسمحلى أقولك ليه
سبع سنين راح تساوى فى ألف واحد إيه
قضية متفبركـــــــة والظلم عنوانها
والجانى بره البلد شوّح لكم بإيديه
سبع سنين مش كفاية فى ألف واحد مات
وقضية محسوبة جنحـــــة وكلها شبهات
فيها النفوذ والفلوس غطت على الأموات
البيه هرب م البلد بنفوذه وحصانته
ونفوذه لسه كمان بيتابــع الجلسات
سبع سنين مش كفاية فى ناس أكلها الحوت
سبع سنين دى بياخدهـــا لص كيف هلفوت
أو واد ضرب ابن جاره علقة بالنبوت
سبع سنين تعمل إيــــــه للى فقد عيلته
وبقت حياته حزينة أحلى منها الموت
سبع سنين مش كفاية ومش كتير سبعين
ومش كتير مشنقــة تشنق رقاب فاسدين
نهبوا أصول البلـــد واستعبدوا المساكين
وبرطعوا فى البلـــــد بكراسى وحصانة
وعتقوا فى النفـــــوذ بدل السنة تلاتيـــن
سبع سنين مش كفايــــــــــــة وأمرنا لله
جبار عظيم منتقم لا يهمه مال ولا جاه
عادل عزيز مقتدر أخد الضعيف فى حماه
وبقدرتــه وبعظمتــه ينصــــــــر المظلوم
وإحنا انظلمنا ودعينــــــــــــــا وأمرنا لله | |
|
