المستشار عثمان الكومى
المديـــــــــر العـــــــــــــام
علـــم الدولــــة : 
 | | موضوع: محكمــــــــــــــــة000 أحمد فؤاد نجم 7/3/2008, 5:21 pm | |
| محكمــــــــــــــــة000 أحمد فؤاد نجم نشرت صحيفة الدستور يوم 27/02/2008 بعض القصائد الممنوعة
لشاعر الشعب أحمد فؤاد نجم ..و قد أعجبنى أسلوبه الساخر فى تناول
بعض القضايا السياسية فرغبت فى نقلها لكم و أتمنى أن تنال اعجابكم00
محكمة
اسمع و شوف ما حصل
برضه السمع واجب
قاضى المظالم وصل
و اتأكد الحاجب
غمز بعينه لمره
و راح مكسكس ورا
القاضى قال محكمة
و هو قال مجزرة
مع إنه عامل عون
نازل شتيمه و أذى
فى عساكر الكراكون
مجعوص بيقرا الصحف
و يرد على التليفون
و يمر من وسطنا
و كأنه نابليون
و فجأة فز اتنتر
و اقف على حيله
كرشه الجسيم انهطل
أنا قلت دا ديله
قول حبتين و اتنصب
باسم العداله ميزان
مدموغ بكلمة شرف
مش كلمة السلطان
ممكن يشيل الهرم
و ينخ من شعره
حسب الظروف و العلل
و الرك ع الوزان
***********
أول قضية شطح
سمى الرعية جاموس
تانى قضية نطح
قال ع الضحية جاسوس
تالت قضية و أنا فى الأصل
راجلها
سألنى ايه تهمتك
أنا قلت أجلها
لما الميزان ينصلح
و يلاقى وزانه
و من الصباح للمسا
ربك يعدلها000 | |
|
